Lajme

Çako nga Vlora: S’ka përmbytje masive. Banorët janë evakuuar…

Kreu i Emergjencave Civile, Haki Çako, nisur nga situata e krijuar në vend për shkak të motit ka udhëtuar drejt Vlorës për të parë situatën nga afër, duke qenë se Lumi Vjosa ka dalë nga shtrati dhe disa toka bujqësore janë përmbysur.

Në një deklaratë për mediat, Çako u shpreh se nuk ka përmbytje masive ndërkohë që e gjithë situata është në monitorim pasi janë marrë të gjitha masat. Më tej ai shton se familjet nuk janë në rrezik pasi disa prej tyre janë evakuuar ndërsa po bëhet edhe evakuimi i familjeve të tjera.

Haki Çako: Gati prej dy ditësh reshjet intensive kanë vazhduar në shkallë vendi. Si pasojë ka pasur përmbytje dhe mbingarkesën e Lumit Vjosa dhe të lumejve të tjerë. Jemi bashkë me prefektin e qarkut të Fierit dhe me të gjitha strukturat e tjera që kanë qenë gjatë gjithë natës. Aktualisht niveli i ujërave, ndonëse ka kapur nivelin maksimal, nuk kemi përmbytje masive. Janë evakuuar disa familje, dhe po vazhdon procesi i evakuimi.

Janë vënë dispozicion të gjitha kapacitete e strukturave lokale dhe qendrore. Nuk ka më asnjë rrezik për banorët dhe banesat e tyre. Pritet një intensitet i rënies së nivelit të ujit. Është punuar intensivisht gjatë gjithë natës dhe është mbyllur një çarje e argjinaturës e cila sillte probleme për të gjithë zonën e Noveselës dhe të Mifolit.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: