Ditën e djeshme mediat e huaja bënë ditur se një grup hajdutësh vodhën makinën tip BMW të Tom Cruise teksa ai ishte duke xhiruar “Mission: Impossible 7” në Birmingham. Mediat e huaja raportojnë se makina e përdorur nga Cruise u vodh jashtë Grand Hotel.
“Një BMW X7 u vodh në Church Street ditën e martë dhe u mor sërish në një kohë të shkurtër”, tha policia në një deklaratë.
Makina u gjend afër Smethwick. Ndërkohë ditën e sotme janë publikuar pamjet e hajdutëve që vodhën makinën e yllit të kinemasë. Në fotot e shkëputura nga pamjet e kapura nga kamerat e sigurisë, shihen tre grabitësit. Mes tyre duket edhe një grua, e cila mban në duar çantën ngjyrë të gjelbër të aktorit hollivudian.
Mesa duket grabitësit nuk kanë ditur si ta menaxhojnë situatën, prandaj dhe kanë braktisur automjetin luksoz në një lagje.