Lajme

Dalin pamjet nga “fabrika” për prodhimin e kriptovalutave në Fier, pajisjet që ishin montuar

Këto janë pamjet brenda ambienteve të “fabrikës” që kishin arritur të ngrinin përmes një strukture për prodhimin e kriptovalutave tre persona, anëtarë të një grupi që goditi sot policia.

Sipas policisë, tre persona në bashkëpunim me njëri-tjetrin, kishin ngritur një strukturë për prodhimin e kriptovalutave, të cilat krijohen me anë të futjes dhe ndryshimit të të dhënave kompjuterike në pajisje elektronike, duke krijuar përfitime monetare.

Ata gjithashtu shmangnin procedurat ligjore në lidhje me detyrimet ndaj shtetit dhe madje vidhnin energjinë elektrike për funksionimin e këtyre pajisjeve elektrike.

“Në cilësinë e provës materiale u sekuestruan 11 pajisje elektronike për prodhimin e kriptovalutave, pajisje të telefonisë celulare, pajisje ndihmëse elektronike etj.

Aktualisht po punohet për zbardhjen e plotë të këtij aktiviteti kriminal, evidentimin dhe vendosjen përpara drejtësisë dhe të personave të tjerë të implikuar në këtë aktivitet”, tha policia.

Materialet hetimore u dërguan në Prokurorinë Pranë Gjykatës së Shkallës së Parë Fier, për vazhdimin e veprimeve të mëtejshme.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: