Lajme

Damian Gjiknuri inspekton kantierin në hyrjen e vjetër të Vlorës, njohur si rruga e Pusit të Mezinit

Gjiknuri: Rehabilitim i plotë rrugës në zonën e Pusit të Mezinit Gjiknuri: Investimi si përgjigje ndaj kërkesës së banorëve Gjiknuri: Rruga, segment degëzim me bajpasin e Vlorës Në cilësinë e drejtuesit politik të Partisë Socialiste për Qarkun e Vlorës, Damian Gjiknuri ndoqi nga afër fillimin e punës për rehabilitimin e hyrjes së vjetër të Vlorës, segment që lidhet edhe me Bajpasin, njohur si rruga e Pusit të Mezinit.

Ndërhyrja po kryhet në gjatësinë prej 1.5 kilometër dhe do ti japë zgjidhje një gangrene shumëvjeçare për banorët e kësaj lagjeje. “Fillimi i punimeve në këtë aks tërësisht të amortizuar ndez dritën jeshile për të tjera investime madhore në këtë zonë. Rehabilitimi përfshin të gjithë infrastrukturën: sistemin e kanalizimeve, kullimit dhe atë të ndriçimit. Në bashkëpunim me Autoritetin Rrugor dhe me kompaninë që po realizon punimet, më në fund ky aks rrugor do të ofrojë të gjitha standartete e duhura rrugore.

Ky segment si një zgjatim i Bajpasit do të lëhtësojë shumë qarkullimin e automjeteve”, u shpreh Gjiknuri. Sipas tij, investimi vjen si një përmbushje e kërkesave të vazhdueshme të banorëve të zonës por edhe të qytetarëve të Vlorës të cilët ishin të detyruar që sa herë kalonin në këtë aks të përballeshin me kushte infrastrukturore përtej çdo parametri të lejuar.

“Ritmet me të cilat po punohet janë tregues i faktit se shumë shpejt aksi i vjetër rrugor do të ofrojë të gjitha kushtet bashkëkohore të një aksi rrugor me parametrat e duhur infrastrukturor”, theksoi Gjiknuri.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: