Ish-kryetari i Kuvendit të Kosovës, Nexhat Daci ka bërë një paralajmërim të fortë për kreun e Lëvizjes Vetëvendosje, Albin Kurti dhe me gjasa kryeministrin e ardhshëm të Kosovës, ku i kërkoi të mos udhëtojë askund pa pasur mbrojtje nga strukturat shtetërore, sidomos pas incidentit rrugor të ndodhur në Tiranë. “Derisa nuk kujdeset shteti, sepse pa qenë kryeministër nuk mund të kujdeset shteti aq sa duhet, partia e tij dhe ai vetë nuk guxojnë të sillen papërgjegjshëm ndaj sigurisë së tij.

Ka tepër njerëz në Ballkan që do të dëshironin më së paku që të lëndohet e të mos jetë i aftë. Gjithmonë kam thënë se është një resurs jashtëzakonisht i madh kombëtar, VV-ja, sepse është e shkolluar dhe nuk ka pasur kohë të korruptohet dhe i duhet Kosovës, por tani pritshmëritë e mia nuk janë të kënaqshme sepse u zgjat shumë procesi”, ka deklaruar më tej Daci.