Categories Lajme

Deklaratat e kreut të Policisë, Caka: Zhvendosje e vëmendjes nga Reforma Zgjedhore

Ish-deputetja e Lëvizjes Socialiste për Integrim Silva Caka ka reaguar lidhur me deklaratat e sotme të kreut të Policisë së Shtetit, Ardi Veliu lidhur me argumentet e paraqitura në media mbi dhunën e policisë ndaj një 15 vjeçari.

Reagimi i plotë i Silva Cakës Ardi Veliu, kurbani i radhës apo klloun vulgar?

Sot iu servir shqiptarëve një shfaqje e shëmtuar, në një nga komisionet që supozohet të trajtojë çështjet më serioze dhe të rëndësishme të sigurisë dhe kriminalitetit. Së pari, nga eksperienca e të gjithëve ne në Kuvendin e Shqipërisë , duhet të themi se zhvillimi i komisioneve parlamentare ditën e premte, është po aq i rrallë sa lumenjtë në shkretëtirë . Shfaqja që e bëri Ardi Veliun të dilte para shqiptarëve si palaçua i radhës në oborrin e Edi Ramës, ishte vetëm për të tërhequr vëmendjen e publikut, nga serioziteti i opozitës dje, tek karagjozllëku i Rilindjes sot. Por pavarësisht përpjekjeve të dështuara, Edi Rama e di që opozita është aty, e gjitha bashkë dhe i humburi do të jetë veç ai!

Arsyeja kryesore pse Ardi Veliu u bë shënjestër e talljeve sot, është zhvendosja e vëmendjes nga Reforma Zgjedhore. E dimë tashmë të gjithë që Edi Rama do t’a minojë Reformën Zgjedhore, ashtu siç bëri me atë të Drejtësisë, por nuk do ia dalë dot! Drejtuesi më i lartë i Policisë së Shtetit, përpara se t’u servirë shqiptarëve një informacion, më së pari duhet ta verifikojë atë, sepse mbi të gjitha, ka në dispozicion gjithë strukturat, institucionet dhe informacionet që i vërtetojnë seriozitetin e materialeve që disponon. E vetmja arsye pse Ardi Veliu mund të servirte këtë palaçollëk, është që Veliut i ka vajtur i gatshëm ai fabrikim dhe sigurisht, kur flet partia dhe shefi, nuk verifikohet asgjë . Apo mos ndoshta Veliu do jetë kurbani i radhës ?!

Komisioni i Sigurisë që nuk ka shqyrtuar ende videot e dhunës në protestën per ruajtjen e Teatrit Kombëtar , nuk ka shqyrtuar ende rastin e atentatit të mbetur në tentativë ndaj gazetares Klodiana Lala, nuk ka shqyrtuar ende kushtet e dorëzimit të Jaeld Çelës apo edhe çështje tepër madhore për sigurinë e shqiptarëve , luan lojën e gatuar nga zyra e Endri Fugës, ku bëhen për budallenj Drejtori i Policisë së Shtetit dhe një tufë me deputetë . Se shqiptarët e dinë tashmë përse u bë e gjithë kjo farsë ! E megjithatë, pavarësisht qëllimit diabolik të Ramës e Fugës, mjeti i përdorur, përsëri mbetet linçues dhe diskriminues. Në fund, kam një thirrje për organizatat që marrin fonde e projekte për të drejtat e grave: mos u bëni copash kush të mbrojë e para Etilda Gjonajn, se ajo ka në dispozicion një makineri të tërë propagande që e mbron; dilini në mbrojtje kësaj gruaje, që jo vetëm iu dhunua djali i vetëm, i mitur, por u linçua sot publikisht dhe në mënyrë flagrante nga ai shtet që duhet ta mbrojë. Tregoni që keni dinjitet e që fokusi i punës suaj janë vërtet të drejtat e grave dhe lufta ndaj dhunës së ushtruar kundrejt tyre; sidomos kur dhunuesi është shteti e funksionarët e tij.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Eksperti i sigurisë: Ervis Martinaj është gjallë!

Eksperti i sigurisë, Fatjon Softa ka deklaruar këtë të hënë se Ervis Martinaj, i cili…

LEXO ME SHUME
Categories Lajme

Zbardhen detaje nga ngjarja tronditëse në Krujë/ Pasi hodhi foshnjën në lumë, nëna shkoi vetë në komisariat

42 vjeçarja Leta Koçi është paraqitur vetë në komisariatin e Krujës dhe ka deklaruar se…

LEXO ME SHUME
Categories Lajme

E rëndë në Krujë, 42-vjeçarja lind në shtëpi dhe hedh foshnjën në ujërat e lumit

Një ngjarje e rëndë është regjistruar gjatë ditës së sotme në fshatin Tapizë të Krujës.…

LEXO ME SHUME
Categories Lajme

Aksident në Fier, makina përplas biçikletën dhe largohet nga vendngjarja, plagoset një person

Një aksident ka ndodhur pak minuta më parë në lagjen “ Sheq i Madh” të…

LEXO ME SHUME
Categories Lajme

Covid-19 mund të jetë prodhuar nga një laborator

Ekziston një studim australian që do të vërtetonte origjinën e virusit që shkakton infeksionin Covid-19,…

LEXO ME SHUME