fbpx
Lajme

Del fotoja/ Kush është infermierja e Infektivit që zhvati pacientin e vdekur nga Covid, i mori kartën e bankës dhe i tërhoqi paratë

Është publikuar fotoja e infermieres së spitalit Infektiv Ronida Hysa, e cila u arrestua nga Policia e Tiranës ditën e sotme, pasi dyshohet se i vodhi portofolin pacientit të shtruar në spitalin Infektiv, denoncuar në emisionin STOP.

Hysa, 30 vjeçe, banuese në Durrës ka vjedhur para nga portofoli i pacientit, si dhe ka marrë kartën e tij të bankës, duke i zhvatur dhe llogarinë bankare, duke përfituar nga fakti se ai e kishte shënuar pinin në një letër në sendet personale. Kallëzimi për rastin në fjalë u bë nga shtetasi F. D., 25 vjeç, djali i të ndjerit K.D, 60 vjeç, i shtruar te Infektivi, i cili ka deklaruar se nga llogaria bankare e të atit ishte tërhequr shuma 60.000 lekë.

Njoftimi i plotë i Policë: Specialistët për Hetimin e Krimit në Komisariatin e Policisë Nr. 4, në bashkëpunim me Prokurorinë e Rrethit Gjyqësor Tiranë, kanë bërë të mundur identifikimin, lokalizimin dhe ndalimin e shtetases R. H., 30 vjeçe, banuese në Durrës. Ndalimi i kësaj shtetaseje u bë pasi në bazë të pamjeve filmike rezulton si autorja e vjedhjes së një shume parash në portofolin e shtetasit K. D., i cili ka qenë i shtruar në spitalin infektiv, ku ka ndërruar jetë nga COVID-19.

Pas kallëzimit të bërë për këtë ngjarje, nga djali i të ndjerit, shtetasi F. D., 25 vjeç, i cili ka deklaruar se nga llogaria bankare e të atit ishte tërhequr shuma 60.000 lekë, specialistët për H etimin e K rimit në Komisariatin e Policisë kanë organizuar punën për identifikimin e autorit. Në bazë të provave filmike ka rezultuar se edhe shuma e parave është tërhequr nga shtetasja R. H., infermiere në spitalin infektiv, e cila ka pranuar autorësinë e ngjarjes, që është bërë mediatike edhe nga emisioni investigativ “STOP”. Materialet procedurale do të referohen në Prokurorinë e Rrethit Gjygjësor Tiranë, për veprime hetimore të metejshme, për veprat “V jedhja” dhe “Vjedhja duke shpërdoruar detyrën”.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button
Close