Lajme

Demokratët e Vlorës presin Berishën, ish-deputeti Dashamir Tahiri : Jam me doktorin për të hequr Lulin

Kryetari i Lëvizjes për Ndryshim për Vlorën, ish deputeti Dashamir Tahiri ka ardhur në takimin që pritet të mbajë ish kryeministri Sali Berisha me simpatizantët demokratë në qytetin e Vlorës, për të shprehur përkrahjen e tij ndaj liderit historik të demokratëve. Bëhen bashkë partitë e vogla të djathta.

TAHIRI: Ne i jemi bashkuar Berishës që në ’91-shin. Ne na ndau Lulzim Basha, tani jemi bashkë të gjithë, doktori na bashkon. Moskorrektësia e tij dhe sjellja e tij në lidhje me partinë, bëri që të ndodhte kjo që ndodhi. Por demorkatët janë më të fortë se kurrë. Do të bashkohen të gjithë bashkë. Nuk kam ardhur këtu personalisht por të gjithë bashkë si demokratë.

Pas Tiranës dhe Fierit, Sali Berisha mbrëmjen e sotme ndodhet në Vlorë në një takim me demokratët në kuadër të nismës së ashtuquajtur “Foltore” me qëllim bindjen e bazës për të rrëzuar vendimin e Lulzim Bashës që e përjashtoi nga grupi i PD-së.

Ish-Presidenti Bujar Nishani, deputetë, ish-deputetë, kryetari i degës së PD-së në këtë qytet dhe një grup demokratësh pritën liderin historik.

Ish-deputeti Dashamir Tahiri ishte njëri nga njerëzit që ishte në krah të Sali Berishës. Ai shpjegoi arsyen e vendimit të tij dhe qëllimin.

“Unë kam qenë i djathtë dhe mbetem. Kam qenë kundërshtar i Lulit, parimet e tij nuk bashkoheshin me të miat. Mbështes doktorin për lëvizjen e re për shkarkimin e Lul Bashës. Unë nuk kam ikur asnjëherë nga PD, kam ikur nga Lul Basha” tha ai.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: