Një 37-vjeçar shqiptar është dënuar me dy vite burg nga një gjykatë në Itali, pasi u shpall fajtor se ka dhunuar dhe ka kërcënuar me jetë bashkëshorten e tij 32-vjeçare.
Sipas medieve të huaja ngjarja ka ndodhur përgjatë periudhës kohore janar-maj të vitit të kaluar, ku i riu shqiptar Besnik Rreshka ka kërcënuar me jetë gruan e tij.
“Do të të vras, do të vij të të marr në Shqipëri dhe do të të bëj të paguash. Nëse flet në polici të betohem se do të vras”, ka dëshmuar 32-vjeçarje në seancën gjyqësore. Ajo tha se ai e dhunonte pa arsye, ose për xhelozi pa shkak.