Deputeti i Vlorës Vullnet Ruzhdi Sinaj gjendet pranë dy vëllezërve nga Tërbaci të cilëve iu dogj banesa disa ditë më parë. Ai shkruan ne FB e tij se: Jo të gjithë patën fatin e mundësinë të festojnë e të gëzojnë natën e ndërrimit të viteve. Agron dhe Malo Hazizaj në Tërbaç janë dy vëllezër punëtorë, të cilëve u ndodhi fatkeqësia e djegies së banesës së tyre. Iu përgjigjëm menjëherë apelit për ndihmë dhe i shërbyem me orenditë e domosdoshme dhe gjërat bazike për familjet e tyre.
Kushdo që ka dëshirë për të ndihmuar këtë familje, mund të shkojë vetë tek shtëpia e tyre në Tërbaç. Solidariteti me njëri-tjetrin është i domosdoshëm për të ecur përpara të gjithë bashkë i uroj vëllezërve Hazizaj një vit të mbarë dhe me sa me pak shqetësime!