Categories Lajme

Dëshmia e vrasësit me pagesë zbuloi arsenalin e armëve! Policia ndalon vlonjatin, i riu: Jam me qira, s‘kam dijeni për armët

Një tjetër operacion është zhvilluar në Tiranë me qëllim goditjen e bazave të armatimeve që strehohen në kryeqytetet, pa u shqetësuar nga askush. Rasti i djeshëm dëshmoi se trafikantët dhe poseduesit lëvizin me mekanizma të përcaktuar duke marrë ambiente me qira dhe duke ua besuar personave që janë të punësuar.

Duke u fshehur pas padijenisë se çfarë mund të mbajë një ambient me qira, ruajtësit e armëve janë të qetë, por jo kur Policia është e detyruar të lëvizë nga informacionet e sakta që dalin nga një i penduar që prej më shumë se një viti orienton Policinë në vendet e duhura dhe personat e duhur.

Referuar të dhënave jozyrtare të Policisë, bëhet me dije se edhe për këtë operacion, ashtu si për operacionin e 5 ditëve më parë, blutë e Tiranës i kanë pasur indiciet e sakta, të dala nga dëshmitë e herëpashershme të Enver Jamakut, një vrasës me pagesë, i cili deri me tani ka zbuluar jo pak mbi 4 baza të rëndësishme armësh. Ditën e djeshme, Policia zbuloi armatim të një cilësie të pazakontë, duke demonstruar edhe njëherë fuqinë e grupeve të vrasësve me pagesë, të cilët i strehojnë armët në mes të Tiranës.

E jo vetëm armë, por edhe tritol, që kohëve të fundit thuajse ka qenë i pranishëm në të gjitha rrethet problematike të vendit për sa i përket krimit të organizuar.

Policia arrestoi edhe një të ri që u gjend në banesën e marrë me qira, i cili rezulton të jetë nga Vlora. Burime zyrtare të Policisë së Vlorës i thanë gazetës “Panorama” se i riu i arrestuar nuk është i skeduar në këtë Polici, ndonëse që prej mesditës së djeshme kanë nisur hetimet dhe verifikimet për këtë persona.

Eno Papa (Beqiri) është vënë në prangat e Policisë në kuadër të një aksioni të koduar “Silent 2”, për shkak se në ambientet që ai kishte me qira pranë “Liqenit të Thatë”, u kap një arsenal me armë.

Pas kontrollit, Policia sekuestroi 2 snajperë, 4 armë zjarri kallashnikov, 2 armë zjarri automatike, 4 armë zjarri pistoleta me silenciator, 85 pako me fishekë të kalibrave të ndryshëm, një sasi e konsiderueshme krehra armësh, pjesë të ndryshme armësh, shënjestra optike për armët e precizionit (snajper), tre kallëpe tritoli, sasi lënde e dyshuar eksplozive, 2 palë portotarga elektrike për fshehjen e targave, një automjet, 3 aparate celulare, 2 laptopë, 5 paruke dhe një pasaportë e dyshuar e falsifikuar.

Këto armë të sofistikuara të sjellin në vëmendje skenat e krimit, ku shpeshherë kemi parë të përdoren armë të sofistikuara. Policia gjithashtu bëri me dije se gjatë kontrollit të banesës së marrë me qira nga shtetasi E. P. (B.), u gjetën dhe u sekuestruan, në cilësinë e provës materiale, një automjet në përdorim nga ky shtetas, 3 aparate celulare, 2 laptopë dhe një pasaportë e dyshuar e falsifikuar.

Po punohet për identifikimin dhe kapjen e personave të tjerë të implikuar në këtë veprimtari kriminale, por pa përmendur emra personash se kush mund t`i ketë strehuar armët në garazhin e shtëpisë së vlonjatit.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

SPAK sekuestron pasuritë e dy ortakëve të Evis Berberit (Emrat)

SPAK ka sekuestruar pasuritë e dy ortakëve të Evis Berberit, biznesmenëve Valter Begaj  dhe Ervis…

LEXO ME SHUME
Categories Lajme

EMRI/ Vdes në punë shqiptari në Itali, baba i katër fëmijëve

Një shqiptar vdiq i shtypur nga një ngarkesë që peshonte mbi një ton ndërsa po…

LEXO ME SHUME
Categories Lajme

Beleri dhe Goro në burg, pas tensioneve në Këshillin bashkiak të Himarës, zgjidhet kryetari i komanduar

Blerina Balaj është zgjedhur kryetare e komanduar e Bashkisë Himarë pas mbledhjes me tensione në…

LEXO ME SHUME
Categories Lajme

Ngjarja në Memaliaj, policia: 41-vjeçari qëlloi në ajër për të kanosur dy persona

Një person ka qëlluar në ajër në Memaliaj ditën e djeshme dhe si pasojë e të…

LEXO ME SHUME
Categories Lajme

Emërimi i kryetarit të përkohshëm deri në zgjedhjet e reja, mblidhet këshilli bashkiak i Himarës! Banorët përplasen me policinë

Sot në orën 10:30 nisi mbledhja e radhës në këshillin e Bashkisë së Himarës ku…

LEXO ME SHUME