Detaje të reja janë zbardhur në lidhje me plagosjen e mbrëmjes së sotme të 34-vjeçarit Vinçens Piroli në Shkodër. Në korrik të vitit të shkuar, Piroli bashkë me Dorjan Lalën kanë vrarë për hakmarrje shtetasin malazez Momçillo Gjurishiç, 68 vjeç.
Ngjarja në fjalë ka ndodhur në Ulqin në lokalin e viktimës, më 4 korrik 2021. Kjo vrasje dyshohej lidhej me një tjetër vrasje të ndodhur në 2017 e cila rëndon mbi djalin e 68-vjeçarit që u dyshohet se u vra nga dy shqiptarët. Ai u qëllua edhe në shtator të vitit 2019, në orët e para të mëngjesit, në vendbanimin Pinjesh, raporton BW.
Savo Gjurishiç, djali i 68-vjeçarit kishte vrarë me armë zjarri 53-vjeçarin nga Kosova Beqë Likaj. Për këtë krim ai është dënuar në tetor 2018 me 13 vjet e gjysmë burg. Pikërisht kjo vrasje dyshohet se ka çuar Pirolin dhe Lalën që të ekzekutojnë në shenjë hakmarrjeje 68-vjeçarin në lokalin e tij në korrik të vitit 2021.
Shënim: Majtas në foto është Vinçens Piroli, ndërsa djathtas është malazezi i vrarë Momçillo Gjuriç.