Një aksident i rëndë është raportuar të ketë ndodhur në Vlorë, ku një automjet tip ‘Benz’ ka përplasur dy të mitura të moshës 14 vjeçare, teksa po kalonin rrugën.
Mësohet se shoferi i automjetit i ka transportuar të dy të miturit menjëherë në spital dhe tashëm ato ndodhen jashtë rrezikut për jetën.
Vlorë/Informacion paraprak Në orën 12:14, në rrugën “Ali Demi”, Vlorë një automjet, me drejtues shtetasin A. I., 42 vjeç, ka aksidentuar dy fëmijë të mitur me iniciale B. C., dhe Xh. S., të cilët ndodhen në spitalin e Vlorës, nën kujdesin e mjekëve. Drejtuesi i mjetit është shoqëruar në Komisariatin e Policisë Vlorë. Në vendngjarje ndodhet grupi hetimor dhe po punon për zbardhjen e plotë të ngjarjes.