Rëndohet gjendja shëndetësore e naftëtarëve teks kanë hyrë sot në ditën e 12 të grevës së urisë. Një prej grave greviste është zëvendësuar për shkak të rëndimit të gjendjes shëndetësore, ndërsa të tjerët shprehen të vendosur ti shkojnë deri në fund grevës së urisë.
“Nuk duam asgjë tjetër, duam gjakun tonë. Populli është uragan e duhet të reagojmë të gjithë. Presim që kryeministri të reagojë. Nuk dallim nga greva pa marrë zgjidhje”, shprehet një prej naftëtareve.
Kurse, një tjetër naftëtare deklaroi se kryeministri Edi Rama duhet të reagojë dhe t’i japë zgjidhje situatës së krijuar. “Edi Rama të reagojë dhe t’i jepet zgjidhje situatës. Nuk dalim nga greva pa marrë atë që na takon. Kryeministri është mashtrues”, deklaroi naftëtarja. Sipas asaj që raporton gazetarja e Ora News, Inelda Vallja, një numër i lartë naftëraësh vazhdojnë të qëndrojnë të ambientet e jashtme të qëndrës shëndetësore në mbështetje të grave.