Reperi shqiptar Elinel, në një postim në Instagram ditën e djeshme, ndau me ndjekësit lajmin më të hidhur të jetës, se babai i tij kishte ndërruar jetë. Ai publikoi një foto të të atit shoqëruar me mbishkrimin: “Pusho n’paqe bab”.

Sipas ‘Prive’ babai i reperit ishte infektuar me koronavirus dhe pas disa komplikimeve ka ndërruar jetë. Ai kishte qenë për disa javë i shtruar në spital, por mjekët nuk kanë mundur dot që ta shpëtojnë, edhe për shkak të sëmundjeve shoqëruese që ai ka pasur.Ngushëllimet e fansave për Elinel kanë qenë të shumta, ndërkohë që dhimbja është e madhe për të gjithë familjen e tij.