Shuma astronomike prej 554 milionë lira (afërsisht 640 milionë euro) do t’i paguhet nga Sheikh Mohammed 72 vjeç, Princeshës Haya 47 vjeç duke i dhënë fund një mosmarrëveshjeje të ashpër dhe të gjatë ligjore që filloi kur princesha u largua nga Britania me dy nga fëmijët e tyre, Jalila dhe Zayed.
Një gjykatë britanike ka dhënë shumën më të madhe të vendosur ndonjëherë në dosjet gjyqësore të vendit.
72-vjeçarit do t’i duhet të paguajë një shumë prej 251.5 milionë lira (rreth 300 milionë euro) për gruan e tij të gjashtë, Princeshës Haya të Jordanisë. Gjithashtu fëmijëve të tij, 14-vjeçarit Al Jalila dhe 9-vjeçarit Zajed, do t’i jepen gjithsej 290 milionë lira (më shumë se 340 milionë euro) për të mbuluar shpenzimet e ushqimit, arsimimit dhe sigurisë.
“Duke pasur parasysh statusin e tyre dhe kërcënimet e terrorizmit dhe rrëmbimit me të cilët përballen ata kanë nevojë për siguri të shtuar.”-tha Philip Moore, president i gjykatës familjare në vendimin e tij sot.
Sipas Moore, “kërcënimi kryesor me të cilin (fëmijët) përballen vjen nga vetë emiri dhe jo nga burime të jashtme”.
Në të njëjtën kohë, siç shpjegoi gjykatësi, Princesha Haya ‘nuk kërkon kompensim për veten, por për sigurinë e saj” dhe për t’u kompensuar për pasuritë e saj që humbi pas zgjidhjes së martesës së tyre, shpjegoi Moore.