fbpx
Lajme

Dje ndodhi mrekullia, si u shkëput nga prindërit 4-vjeçarja që u gjet në mes të detit

Shpëtimi i një vajze 4-vjeçare, hipur mbi një kamërdare në mes të detit nga një traget udhëtarësh në Rio të Greqisë ishte lajm në mediat botërore. Vajza gjendej disa qindra metra në thellësi të detit, larg vendit ku po bënin plazh prindërit, të cilët të alarmuar për mungesën e saj njoftuan autoritetet.

Vogëlushja u gjet e frikësuar, kapur fort pas kamërdares, por pa probleme shëndetësorë, ndërsa të gjithë e konsideruan këtë ngjarje një mrekulli, shkruan abcnews.al.

Pyetja kryesore në këtë rast është se si iku vajza nga prindërit? Pas hetimeve, autoritetet greke zbuluan se ajo ishte duke luajtur në breg të detit me bababin, rreth 500 metra larg vendit ku u gjet nga trageti. Një rrymë e fortë ajri e mori kamërdaren duke e larguar gjithnjë e më shumë nga bregu. Për fat të mirë, dallgët nuk ishin të larta dhe vajza ishte mbajtur fort tek kamërdarja duke bërë që të mos rrëzohej prej andej.

“Ishte e ngrirë nga frika. Me sa duket ka kuptuar diçka nga rreziku që i kanosej”, u shpreh për mediat greke njëri prej punonjësve të tragetit që shpëtoi vajzën. /abcnews.al

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button