Lajme

“Do bëj për Durrësin atë që kam bërë për Vlorën”/ Qytet me asetet më të mëdha që ka ky vend

Kryeministri Rama deklaroi sot se, “dua që për Durrësin të bëj atë që kam bërë për Vlorën, jo se është qyteti ku kam rrënjët (një pjesë të rrënjëve) por sepse Durrësi është një nga asetet më të mëdha që ka ky vend”. I renditur i teti në listën e kandidatëve për deputetë në qarkun e Vlorës dhe atë të Durrësit, Rama shprehu bindjen se, “objektivi bazë do të realizohet, unë nuk flas me nëse kështu, nëse ashtu”. “Objektivi bazë do realizohet. Dilema e shumëkujt është: ku do rrish, në Vlorë apo në Durrës? Unë do rri aty ku do më duan më shumë. Tani njerëzit e nënës janë në Vlorë, njerëzit e babës janë në Durrës, do jetë garë mes tyre kush më do më shumë, do më ketë aty më shumë.

Natyrisht unë do të jem dhe jam i të gjithëve për shkak të detyrës, por dua që për Durrësin të bëj atë që kam bërë për Vlorën, jo se është qyteti ku kam rrënjët (një pjesë të rrënjëve), por sepse Durrësi është një nga asetet më të mëdha që ka ky vend. Është bërë shumë në Durrës, pavarësisht se çfarë thonë, por tani ka ardhur koha për ta çuar në një fazë të re dhe Durrësi potencialin për të ndikuar në ekonominë e vendit e ka dhe më të madh se Vlora, për shkak se është shumë më kompleks se Vlora, dhe unë dua ta bëj këtë gjë. Pastaj të shohim kush do më dojë më shumë për të lënë njërin nga vendet, kurse për objektivin bazë besoj se nuk do dalë kjo pyetje, po doli do e trajtojmë kur të dalë, unë s’e kam problem”, theksoi Rama.

Sa i përket renditjes së kandidatëve në lista, Rama tha se, “qëllimi ka qenë të kemi për çdo qark më shumë lojtarë sesa pozicione, në mënyrë që të bëjmë një përzgjedhje sa më të mirë. Besoj kemi pasur më shumë lojtarë se pozicione, kemi bërë përzgjedhje besoj të mirë. U kemi dhënë shqiptarëve mundësinë që të zgjedhin një parti që nuk është ajo që ishte në 2017, është e njëjta, por e ripërtërirë, pra është e njëjta skuadër, por e ripërtërirë, edhe shqiptarët le ta vendosin”.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: