I paraburgosuri Ahmed Mohamed Safwat Taha Elsayed(al-Sayed) që do ekstradohej për në Egjipt, nga Kompania e Fluturimit nuk është marrë përsipër për arsye sigurie. Me konfirmim te Interpolit po kthehet në paraburgim tek Mine Peza. Por gjithashtu mësohet se ekstradimi i tij dejt Egjiptit mund të tentohet të bëhet sërish sot me kompani tjetër fluturimi.
Egjiptiani që u kap në maj të vitit të kaluar në Rinas rezulton si i dyshuar për vrasje me dashje, tentativë vrasjeje dhe armëmbatje pa leje në shtetin e tij.
51-vjeçari konsiderohet person me rrezikshmëri të lartë shoqërore nga autoritetet egjiptiane dhe është shpallur në kërkim ndërkombëtar. Bëhet fjalë për një ngjarje të datës 06.11.2019, në Giza, Egjipt, ku dyshohet se ka vrarë me armë zjarri një tjetër egjiptian, më pas ka marrë automjetin e viktimës dhe është larguar nga vendi i ngjarjes.