Të tjera detaje kanë dalë në dritë në lidhje me tentativën, për të ekzektuar biznesmenin Gëzim Balla, mbrëmjen e djeshme në Bulqizë. Autori i kësaj ngjarje është Ferizan Shehu. Ai është ende në kërkim nga blutë e Bulqizës. Mësohet se Ballës i është kërkuar nga Shehu një shumë prej 10 mijë eurosh dhe ngjarja e ka zanafillën pas një telefonate që ka marrë biznesmeni.

Autori i ka kërkuar Ballës të dalë me shumën e parave në një zonë jashtë qytetit ndërsa para se ta bënte këtë, ka njoftuar policinë dhe së bashku janë nisur drejt vendit të përcaktuar nga personi në fjalë. Pasi ka vënë re prezencën e policisë, autori që ishte fshehur rreth 500 metra nga vendi i lënies së takimit, ka qëlluar në ajër 5 herë dhe është larguar, ndërkohë forca të shumta kanë rrethuar zonën për kapjen e tij. Burimë bëjnë me dije se Gëzim Balla ka marrë së fundi një tender 380 mln lekë për ndërtimin e një rruge 2.2 km në këtë zonë, fond i bashkisë së Bulqizës. Po ashtu mësohet se Balla ka edhe një galeri Kromi në Bulqizë, por nuk dihet ende nëse janë këto motivet e ngjarjes.