Policia e Tiranës njoftoi pak minuta më parë në policia në Rinas ka bërë të mundur arrestimin e një 32-vjeçari. Sipas njoftimit, ky i fundit, identiteti i të cilit nuk është bërë me dije, ka dorëzuar në autoritetet përkatëse si document udhëtimi një kartë identiteti të falsifikuar.
Pikërisht këto autoritete e kanë kuptuar dhe kanë bërë të mundur arrestimin e tij. “Rinas/ Paraqiti si dokument udhëtimi një kartë identiteti të falsifikuar, arrestohet në flagrancë 32-vjeçari. Nga specialistët për Hetimin e Krimit në Komisariatin e Policisë Rinas u bë arrestimi në flagrancë për veprën penale “Falsifikim i leternjoftimeve, i pasaportave ose i vizave” i shtetasit Sh. B., 32 vjeç, pasi në hyrje të PKK Rinas, i ka paraqitur si dokument udhetimi një kartë identiteti me gjeneralitetet e shtetasit B. H., 28 vjeç, dokument i cili pas verifikimeve paraprake rezultoi se është e falsifikuar. Materialet i kaluan Prokurorisë së Rrethit Gjyqësor Tiranë, për veprime të metejshme”, njofton policia.