Lajme

Drejtori i komanduar i SHISH shkon në kryeministri

Drejtori i Komanduar i Shërbimit Informativ Shqiptar, Oljan Kanushi bashkë me kreun e Bankës së Shqipërisë, Gent Sejko, kanë mbërritur mesditën e sotme në Kryeministri ku janë takuar me Ramën. Ky takim vjen disa ditë pas largimit të Helidon Bendos nga drejtimi i SHISH.

I pyetur për këtë takim Ministri i Mbrojtjes Niko Peleshi mohoi të kishte dijeni dhe nuk pranoi të komentonte nëse Kanushi do të jetë pasuesi i Helidon Bendos në krye të Shërbimit Informativ. “Unë nuk kam informacion dhe nuk jam këtu për të folur çfarë ndodh në godinën e kryeministrisë sot”, tha ministri në lidhje me praninë e Kanushit në Kryeministri.

Bendo qëndroi për 4 vite në krye të Shërbimit Informativ Shtetëror dhe sipas kryeministrit Rama ai e ka dorëzuar dorëheqjen pasi po vijon studimet pranë Universitetit Kombëtar të Mbrojtjes në SHBA. Kryeministri Rama njoftoi gjithashtu se Bendo do të angazhohet si këshilltar i tij për reformën në institucionet e sigurisë.

Artikuj të ngjashëm

Leave a Reply

Your email address will not be published.

Back to top button
Close