I vënë nën sulm të vazhdueshëm nga kryeministri Rama dhe PS që para zgjedhjeve të 25 prillit kur refuzoi të lërë bashkinë për mandatin e deputetit, Dritan Leli duket i pashqetësuar dhe i motivuar për të çuar përparta punët e qytetit.
Në një intervistë ekskluzive për Ora Verore në Rtv Ora me gazetarin Ronaldo Sharka, mes batutave ai thotë se sulmet jo vetëm nuk e kanë dëmtuar por kanë shërbyer si publicitet për qytetin duke shktuar kuriozitetin e njerëzve për ta vizituar Vlorën.
Dritan Leli: Unë jam këtu për të treguar angazhimin tim,përgjegjshmërinë time për të bërë maksimumin që meriton Vlora.Të gjithë së bashku me stafin e bashkisë së Vlorës jemi duke bërë më të mirën që qyteti të përjetojë një sezon turistik të sukseshëm. Ndonjëherë edhe përmendja e kryetarit të bashkisë ka shtuar publicitetin e qytetit dhe kureshtjen për të shkuar në Vlorë.Thirrja ime është që të gjithë ata ta vizitojnë Vlorën se është vërtet një destinacion për tu vizituar në këtë verë. Gjeni pak ditë apo pak orë për të kaluar nga Vlora pasi Vlora është një thesar.