Nga Dritan Leli

Nuk mund ta dimë asnjëherë me saktësi nëse formohemi nga durimi e përkushtimi i nënës apo drejtësia e dinjiteti i babait. Përditshmëria mbase udhëhiqej nga nëna, por në ditë si kjo na printe gjithnjë babai.

Edhe kur u larguam e krijuam familjet tona, fuqia e tij e pafolur ishte aty. Është këtu edhe sot që babai nuk është më sepse mendoj që ajo çfarë bëhemi varet nga ajo që baballarët na kanë mësuar në momentet kur, në fakt, nuk po përpiqeshin të na mësonin asgjë.

E kujtuam me mamanë, përpara se të shkonim për të votuar, ndërgjegjësimin për rëndësinë e qytetarisë me të cilën na rriti. Nuk ia thamë të gjitha njëri tjetrit, por të dy e dimë që edhe kur të dashurit nuk janë më, asgjë nuk ndryshon! Zgjedhje të mbara!