Autoriteti Portual i Durrësit ka reaguar për humbjen e punonjëses së sigurisë, Artineda Haskasa, 25 vjeçare, e cila ndërroi jetë mesditën e sotme pasi u tërhoq zvarrë nga një automjet tip trajler. APD i ka shprehur ngushëllimet familjes duke i thënë se janë pranë tyre në këto momente të vështira.
Ndonëse nuk dha detaje se ku janë me hetimet, APD sqaroi se po bashkëpunojnë me policinë për të zbardhur rrethanat e kësaj ngjarje t ragjike.
Reagimi i plotë: Sot e gjithë familja e madhe e APD-së është thellësisht e pikëlluar nga humbja tragjike e jetës e koleges tonë Artineda Haskasa. I shprehim ngushëllimet tona të përzemërta familjarëve dhe miqve të Artinedës dhe i gjendemi pranë familjes së saj në këto momente të vështira. Nuk do jeni kurrë vetëm! Në bashkëpunim me Policinë e Durrësit dhe organet hetimore, të gjitha divizionet e APD-së janë angazhuar maksimalisht në funksion të zbardhjes së rrethanave të ngjarjes tragjike, në një territor të rëndësisë së veçantë! Uniforma që mbante veshur sot kolegia jonë, meriton respekt dhe mirënjohje pafund! Dritë të pastë shpirti!
Artineda Haskasa, 25 vjeçe, ishte punonjëse e sigurisë në Portin e Durrësit. Ajo u tërhoq zvarrë për 25 metra nga një trajler, drejtues i së cilit ishte një 39 vjeçar. Menjëherë pas ngjarjes tragjike, u shoqëruar për në komisariatin e policisë për të zbardhur rrethanat e aksidentit me pasojë v dekjen.