Në mbështetje të familjeve që pësuan dëmtime nga tërmeti i 26 nëntorit, pranë bashkisë Lezhë vazhdojnë të vijnë ndihma me ushqime dhe pajisje akomoduese. Për herë të dytë, bashkia Dropull në Gjirokastër ndihmon 283 banorë të Lezhës, të cilët ndodhen në çadra pas tërmetit të 26 nëntorit.
Zv/kryetarja e bashkisë Lezhë, Oljana Moriseni falënderoi bashkinë e Dropullit për ndihmën e çmuar që po jep, ndërsa theksoi edhe përkujdesjen e bashkisë Lezhë dhe kontributin e donatorëve.
“Janë rreth 283 banorë që janë të strehuar nëpër çadra dhe 29 të tjerë që janë të komunitetit tom dhe egjyptian që janë akomoduar në palestrën e gjimnazit ‘Hydajet Lezha’ dhe kanë nevojë për mbështetje, për vakte ushqimore. Bashkia Lezhë dhe donatorë të ndryshëm po kontribuojnë edhe për veshmbathje. Ndaj edhe në këtë moment që jemi falënderojmë shumë bashkinë e Dropullit, që është hera e dytë që vjen dhe dhuron për këta banorë, të cilët kanë nevojë për mbështetje”, tha ajo.
Moriseni tha se bashkia e Dropullit është fokusuar në ndihma në veshmbathje, dyshekë, krevate, shumë të domosdoshme për banorët./m.m/j.p/atsh