Rreth 100 persona, të cilët ishin nisur drejt Italisë kanë mbetur të bllokuar në portin e Durrësit pasi disa prej listave nuk ishin miratuar pranë ambasadës italiane.

Si pasojë e këtij bllokimi, ata kanë krijuar mbingarkesë në port. Në kuadër të rikthimit sipas kushteve të vendosura nga vendet e KE të qytetarëve shqiptarë me dokumenta italiane, janë miratuar listat përkatëse të qytetarëve që do të kthehen në vendbanimet që kanë aktualisht në Itali.

Por ata kanë marrë me vete edhe personat e familjeve në ngarkim. Kjo ka bërë që të jenë disa jashtë listave. Kapiteneria njofton se po kontakton me ambasadën italiane për zgjidhjen e këtij problem.

Pas komunikimit të kapitenerisë me ambasadën, çështja u zgjidh dhe të gjithë pasagjerët jashtë listave do të nisen mbrëmjen e sotme.