Në KZAZ nr. 22 në shkollën Marie Kaçulini në Durrës, paraditen e sotme ka pasur disa ndërprerje të procesit të numërimit. Gazetari Leonidha Musaj raporton për ABC se kandidatja e Partisë Demokratike në qarkun e Durrësit Merita Dakovelli ka debatuar me komisionerët duke hedhur poshtë klasifikimin e votave të pavlefshme.

Në të gjithë Durrësin, procesi i numërimit po vazhdon me ritme të ngadalta. Ndërkohë në Vlorë ashtu si në pjesën tjetër të vendit, ka pasur disa ndërprerje për shkak të pushimit që kanë kërkuar komisionerët të cilët nuk janë zëvendësuar me të tjerë.

Në Bashkinë e Selenicës aktualisht procesi është ndërprerë dhe pritet të rifillojë në orën 14:00. Ndërkohë që është mbyllur numërimi për partitë në Bashkinë e Himarës, teksa nesër do të nisë numërimi për kandidatët.