Ka nisur në Durrës aksioni për lirimin e plazheve që janë zënë nga bizneset që operojnë në vijën bregdetare. Aksioni po ndërmerret nga Policia bashkiake në bashkëpunim me atë të rendit, ndërkohë që derimë tani u janë sekuestruar çadrat dhe shezllonet 3 bizneseve.
Ishte kryeministri Edi Rama ai që i paralajmëroi dje bizneset që t’i largojnë vetë çadrat dhe materialet që kanë vendosur pa leje në të kundërt ato do tiu sekuestrohen dhe nuk do t’iu jepen më pas.
Edhe pse jemi pothuajse në mes të sezonit turistik, në shumë qytete bregdetare ende nuk është bërë ndarja e sipërfaqeve publike, ç’ka ka sjellë dhe konfuzion dhe përplasje mes bizneseve, siç ishte dhe rasti i Velipojës, ku mbetën të vrarë katër persona, pjestarë të dy familjeve.
“Ajo ç’ka është përcaktuar si kornizë e këtij procesi do të zbatohet me hir apo pahir, dua tiu bëj thirrje të gjithë sibjekteve, që nuk kanë leje, të largohen nga sipërfaqet që nuk u takojnë me ligj dhe me rregull. Policia do të jetë në të gjithë bregdetin dhe do të konfiskojë të gjitha çadrat që nuk janë në pëputhje me letrat, hapësirat publike janë të popullit.
Skema e re e administrimit të plazheve ka krijuar më shumë të ardhura për sektorin publik, në këtë rast bashkitë, dhe më shumë hapësira për qytetarët që nuk duan të jetë pjesë e hapësirave ku plazhi administrohet nga privati.
Besoj se përveç disa rasteve që janë publike, dhe disa të tjera që janë problematike, pjesa tjetër është pozivitve. Subjektet që nuk kanë leje duhet të largohen vetë, dhe të mos humbasin bazën materiale, e cila do tiui merret dhe nuk do t’iu kthehet më mbrapsht”, tha dje Rama në konferencë me gazetarët.