Foto ilustruese
Një banesë në Durrës është përfshirë pasditen e sotme nga flakët. Policia bën me dije se banesa ishte në pronësi të 80 vjeçarit, F.B, por që brenda saj nuk jetonte asnjë person. Si pasojë e zjarrit ka vetëm dëme materiale.
“Më datë 25.07.2021, në orën 16:05, në lagjen nr.18, Durrës, ka rënë zjarr në banesën e pabanuar të shtetasit F. B., rreth 80 vjeç.”- njofton policia e Durrësit. Shërbimet e zjarrfikëses ndodhen në vendngjarje dhe po punojnë për shuarjen e flakëve, grupi hetimor po punon për përcaktimin e shkakut të zjarrit.