Categories Lajme

DW lajmëron: Si do udhëtohet për në Gjermani?

Nga DW- Nuk kishte ndodhur kurrë më parë, por Gjermania lëshoi një paralajmërim udhëtimi për të gjithë botën për shkak të pandemisë. Tani qeveria gjermane po përgatit heqjen e tij për 31 shtete europiane. Ballkani nuk përmendet.

Qeveria gjermane synon të heqë paralajmërimin për udhëtimin nga 15 qershori për turistët nga 31 vende europiane, nëse zhvillimi i pandemisë e lejon këtë, sipas informacioneve të mediave. Krahas 26 vendeve partnere në BE, kjo parashikohet të vlejë për Britaninë e Madhe dhe katër shtete të zonës Shengen, jo anëtare të BE, Islanda, Norvegjia, Zvicra, Lichtenshtajn. Të dhënat janë pjesë e një dokumenti që do të rregullojë kriteret për turizmin brenda europian e që mund të miratohet në mërkurën në mbledhjen e qeverisë gjermane, shkruan dpa.

Por ende ka pyetje të hapura, si për shembull si do të veprohet me vendet e treta, me të cilat ekziston kufizimi i udhëtimit deri në 15 qershor, e mes tyre ka vende që janë shumë më pak të prekura nga pandemia se Gjermania, ku përfshihet edhe Ballkani? Do të zgjatet kufizimi i udhëtimit me vendet e treta jo anëtare të BE në një kohë kur lëvizja brenda BE lejohet? Sipas agjencisë së lajmeve dpa ka gjasa që konsultimet të shtyhen. Si indikator për këtë shihet edhe shtyrja e një mbledhjeje të kabinetit qeveritar që njihet si kabineti Corona, ku sipas zëdhënësit të qeverisë, Steffen Seibert, do të flitej për udhëtimet brenda europiane.

Paralajmërimi në fuqi që nga marsi Ministri i Jashtëm gjerman, Heiko Maas, (SPD) e ka shpallur paralajmërimin e udhëtimit më 17 mars, një hap unikal. Deri më tani paralajmërimet për udhëtime lëshoheshin vetëm për vende me rrezik jete, sidomos në zonat e luftës, Siri apo Afganistan. Në javët e kaluara u morën me një aksion të pashembullt më shumë se 240.000 turistë nga vende të ndryshme të botës pas ndërprerjes së lidhjeve të fluturimit apo ato me anije.

Në kohën e duhur para periudhës së pushimeve Heqja e paralajmërimit të udhëtimeve parashikohet të bëhet në kohën e duhur para periudhës së pushimeve të verës. Në dokumentin e Ministrisë së Jashtme thuhet, se qëndrimi orientues është “rigjallërimi i turizmit si për udhëtarët ashtu edhe ekonominë gjermane të turizmit dhe stabilitetin ekonomik të vendeve destinacion”.

Paralajmërimi për udhëtime do të specifikohet më pas sipas vendeve. Për të mbrojtur turistët nga infeksionet me virusin Corona, qeveria gjermane angazhohet për përpilimin e rregulloreve të përbashkëta brenda BE. Ajo parashikon të propozojë kufirin maksimal që ka vendosur Gjermania me 50 infeksione të reja ndër 100.000 banorë brenda 7 ditësh edhe për vende të tjera. Tejkalimi i një kufiri të tillë bën që në Gjermani të rikthehen masa më të forta kufizuese në luftë kundër Coronës.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Vranësira dhe reshje shiu, si do të ndryshojnë temperaturat sot

Ditën e enjte ynë do të vijojë të ndikohet nga kushte të paqëndrueshmë atmosferike, kryesisht…

LEXO ME SHUME
Categories Lajme

U gjet i vdekur nën ashensor, zbardhen detajet për vdekjen e biznesmenit shqiptar

Ende vijojnë të jetë të paqarta rrethanat e vdekjes së biznesmenit shqiptar nga Gjilani, Musah…

LEXO ME SHUME
Categories Lajme

FNSH dhe policia aksion ‘blic’ në Vlorë, disa të shoqëruar (Foto)

Forcat e ndërhyrjes së shpejtë së bashku me policinë  zhvilluan një aksion blic në qytetin…

LEXO ME SHUME
Categories Lajme

Shfrytëzonin të miturin për të përfituar para në ”Tik Tok”, Apeli lë në burg nënë e bir

Gjykata e Apelit ka lënë në fuqi masat e arrestit me burg për Armando Kumarakun…

LEXO ME SHUME
Categories Lajme

Jorgo Goro jep dorëheqjen nga qelia si kryebashkiak i Himarës! Zbardhet letra

Jorgo Goro, i cili u arrestua me urdhër të Prokurorisë së Posaçme për shpërdorim detyre,…

LEXO ME SHUME