y vëllezër shqiptarë janë arrestuar nga karabinierët në Itali dhe akuzohen për mbajtjen e një sasie prej 16 kg kokainë, një sasie hashashi dhe një shumë prej 21 mijë eurosh, e dyshuar e përfituar nga shitja e drogës.
Policia italiane kishte rënë në gjurmët e njërit prej vëllezërve dhe ishte në ndjekje të tij. Në episodin e fundit, shqiptari kishte shkuar në tokën e një kishe për të fshehur çantën e shpinës që kishte me vete. Por askush nuk e kishte parë atë të hynte ndonjëherë në kishë apo në famulli.
Pasi ai iku, karabinierët shkuan në magazinë dhe gjetën shtatë kilogramë kokainë, më shumë se gjysmë kilogram hashash dhe 21,400 euro.
Të nesërmen, kur shqiptari u kthye për të rimarrë atë që kishte fshehur në pronën e famullisë së Brianzës, nuk gjeti asgjë. Ai kuptoi se ishte zbuluar dhe u përpoq të arratisej, duke marrë fluturimin e parë me një drejtim për në Shqipëri. Por karabinierët mbërritën përpara se avioni të mund të ngrihej dhe i vetmi destinacion që arriti njeriu ishte burgu.
Në shtëpinë e vëllait të tij, po në Seveso, u zbuluan edhe nëntë kilogramë kokainë. Ato ishin fshehur në garazh, në një kasafortë të groposur në dysheme dhe mbi të cilën ishin vendosur një dollap. Dy vëllezërit shqiptar të moshës 43 dhe 47 vjeç, janë arrestuar dhe akuzohen si kujdestarë të drogës.
Policia italiane thotë se kokaina e sekuestruar ishte destinuar për tu shitur në sheshet e trafikut të drogës në Monza della Brianza dhe nëse do të ishte hedhur në treg do kapte vlerën e 1.5 milion eurove.
