Në Urën e Mbrostarit në Fier kanë nisur kërkimet për gjetjen e 26-vjeçarit Meteo Lika.
Një grup polumbarësh po kërkon në pjesë të tjera të rrjedhës të lumit Seman, ndërsa kanë nisur kërkimet edhe me magnet.
Sjellim në vëmendje se mëngjesin e ditës së djeshme në Urën e Mbrostarit u konstatuan të thyer parmakët anësorë të të njërit krah ure.
Më pas, uniformat blu kanë bërë me dije se në vendin e ngjarjes është gjetur targa e një makine të marrë me qira nga 26-vjeçari Mateo Lika.
Policia njoftoi dje se ishte munduar që të bisedonte në telefon me të riun, por numri ka rezultuar i fikur.
Ndërkohë, familjarët e 26-vjeçarit kanë denoncuar në polici zhdukjen e tij.