“Juventusi ka kontaktuar me Zidane”. Kjo është lajmi bujshëm që vjen nga Spanja, e hedhur gjatë programit “El Chiringuito”. Sipas kolumnistit Eduardo Inda, shumë pranë qarqeve të Realit, e ardhmja e “Zizou” është larg Madridit. Kontaktet me drejtuesit e Juventusit janë shtuar së fundmi. Zidane, përkundër kontratës me klubin spanjoll, që skadon më 2022, është në diskutim dhe mund të largohet nga të bardhët në fund të këtij sezoni.
E ardhmja e “Zizou” varet gjithashtu nga ecuria në Champions, ku Reali do të sfidojë si fillim Atalantën më 24 shkurt. Në të ardhmen e Zidane, sipas “El Chiringuito”, mund të ketë dy mundësi: Juventusi ose ekipi kombëtar francez, atje ku do të zinte vendin e Didier Deschamps.