Policia e Elbasanit ka proceduar penalisht tre persona të cilët u përfshinë në një zënkë fizike me njëri tjetrin.

Mësohet se materialet u referuan në prokurori për dy fëmijë të mitur të moshës 16 dhe 17-vjeç si dhe shtetasin 24-vjeçar me inicialet D.X..

Të tre këta persona akuzohen për veprën penale “Plagosja e lehtë me dashje”.

JOFTIMI I PLOTË I POLICISË, Specialistët e Hetimit të Krimit të Komisariatit të Policisë Elbasan referuan materialet në Prokurorinë pranë Gjykatës së Shkallës së Parë Elbasan, për shtetasin D. X., 24 vjeç dhe për dy shtetas të mitur, 16 vjeç dhe 17 vjeç, të tre banues në Elbasan, për veprën penale “Plagosja e lehtë me dashje”, pasi janë goditur fizikisht me njëri-tjetrin, për motive të dobëta.

Specialistët e Hetimit të Krimit të Komisariatit të Policisë Librazhd referuan materialet në Prokurorinë pranë Gjykatës së Shkallës së Parë Elbasan, për veprën penale “Plagosja e lehtë me dashje”, në ngarkim të shtetasit A. B., 41 vjeç, banues në fshatin Dardhë, Librazhd, dhe punohet për kapjen e tij, pasi ka goditur me sende të forta, për motive të dobëta, shtetasin B. O.  Materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme.