Një shpërthim me lëndë plasëse ka ndodhur pak pas mesnate në verandën e një banese në rrugën “Ndoc Martini” në Tiranë.
Mesohet se lënda plasëse është hedhur në banesën Demir Carës, 34-vjeç. Aktualisht grupi hetimor po punon për zbardhjen e rrethanave të ngjarjes dhe kapjen e autorit.
Tiranë/Informacion paraprak,
Më datë 22.01.2023, rreth orës 00:05, në rrugën “Ndoc Martini”, në verandën e banesës së shtetasit D. C., 34 vjeç, dyshohet se është hedhur një sasi e vogël lënde plasëse duke shkaktuar dëme të vogla materiale.
Grupi hetimor po punon për zbardhjen e rrethanave të ngjarjes dhe identifikimin e kapjen e autorit.