Lajme

E infektuar me Covid, 19-vjeçarja sjell në jetë foshnjën tek “Shefqet Ndroqi”

Një 19-vjeçare e infektuar me Covid ka sjellë në jetë foshnjën ndërsa ishte e shtruar tek “Shefqet Ndroqi.” Manuela Hemollari, e cila ka Pneumoni Bilaterale për shkak të koronavirusit e ka sjellë në jetë fëmijën më 12 mars. Megjithatë lajmi është bërë i ditur vetëm sot, ndërsa nëna dhe foshnja janë mirë.

Fëmija erdhi në jetë pas bashkëpunimit me sukses të mjekëve të Covid-2 me ata të spitalit “Koço Gliozheni” Mësohet se prej më se 10 ditësh, nëna e re e diagnostikuar me Covid-19 trajtohej në shtëpi. Por, pasi gjendja e saj shëndetësore nisi të rëndohej, Manuela u shtrua tek “Shefqet Ndroqi”, më 9 mars. Duke qenë se situata klinike po rëndohej dhe jeta e saj e fëmijës po vihej në rrezik, u bë edhe lindja në sallat operatore të spitalit “ Shefqet Ndroqi.”

Lajmi është bërë i ditur vetëm sot pasi mjekët donin që të kishin siguri se si foshnja edhe nëna do të ishin plotësisht mirë. “Ardhja në jetë e Noelit është një gëzim për të gjithë ne, një ogur i mbarë shprese se jeta do të triumfojë! Urojmë që lajme të tilla të bukura t’i ndajmë çdo ditë me ju,” shprehen mjekët.

Artikuj të ngjashëm

Leave a Reply

Your email address will not be published. Required fields are marked *

Back to top button
Close