Një debat në parking shkoi keq në Lusiana, SHBA. Një e moshuar pa ditur se Tesla filmon çdo gjë, pas sherrit me çelsin e makinës, gërvishi mjetin duke i shkaktuar 8 mijë dollarë dëm.

Mediat ndërkombëtare shkruajnë se në video shihet qartë si e moshuara pasi pa se nuk ka njeri përqark, pa mëshirë nisi të hakmerret.

Ndërkohë, video tregon sesi Amanda Aubin, pronarja e Teslas, shihet duke parkuar veturën në një hapësirë të zbrazët në Baton Rouge, derisa ndiqet nga pas nga një veturë e kuqe.

Gruaja e moshuar, shfaqet më pas duke dalë nga vetura e kuqe pasi Aubin parkon Teslan e saj. E njëjta grua i afrohet Teslas dhe përdor çelësin për ta gërvishtur.

ikur kjo të mos mjaftonte, ajo këtë e bën qëllimshëm disa herë dhe largohet sikur të mos kishte ndodhur asgjë e keqe. Megjithatë, ajo nuk kishte llogaritur nëse mjeti mund të kishte kamerë që do ta filmonte.

Pasi u zbulua se çfarë kishte ndodhur, pronarja e veturës tha se ajo më herët e kishte akuzuar se ia kishte zënë parkingun dhe se këtë e ka bërë në shenjë hakmarrje./Telegrafi