Një aksident tragjik ka ndodhur në Majorka të Spanjës, ditën e djeshme. Në këtë aksident është shuar një familje e tërë. Biznesmeni i njohur gjerman August Inselkammer Jr, bashkëshortja e tij Christina dhe dy fëmijët e tyre Max, 11 vjeç dhe Sophie, 9-vjeçe kanë humbur jetën në këtë aksident tragjik ajror.
Biznesmeni gjerman kishte vite që merrej me prodhimin e birrës dhe në ishullin e Majorkës, ai po shkonte bashkë me familjen e tij për të festuar 43-vjetorin e lindjes. Inselkammer, i cili vinte nga një familje e njohur sipërmarrësish të prodhimit të birrës dhe familja e tij ishin rrugës për të festuar 43-vjetorin e tij të lindjes me disa miq.
Mësohet se veç familjes së biznesmenit kanë humbur jetën edhe tre persona të tjerë. Midis tyre piloti italian i helikopterit, Cedric Leoni si dhe dy persona të tjerë. Ende nuk dihet se cilat kanë qenë shkaqet e këtij aksidenti të rëndë. Në Majorka janë shpallur tre ditë zie në nder të viktimave.