Lajme

E rëndë në Itali! Shqiptari i dëmton shtëpinë me eskavator, komshiu e vret me pushkë

Një shqiptar është vrarë në Itali mbrëmjen e së enjtes pas një konflikti me fqinjin e tij. Ngjarja ka ndodhur në fshatin San Polo të Arezzos.

Sipas mediave italiane, viktima është 57 vjeç me origjinë nga Shqipëria, por identiteti i tij nuk është bërë i ditur. Ai u qëllua me pushkë nga fqinji i tij 53-vjeçar.

Sa i përket rrethanave të ngjarjes, shqiptari dëmtoi me eskavator 4 makina të përkuara të fqinjit të tij e më pas goditi disa herë me kovën e eskavatorit muret dhe çatinë e shtëpisë, duke i shkaktuar dëme të konsiderueshme komshiut të tij.

Ky i fundit, në rrethana të tilla, mori pushkën dhe qëlloi disa herë në drejtim të 57-vjeçarit shqiptar duke e lënë të vdekur.

Autori i ngjarjes është arrestuar nga policia italiane. Ende nuk dihen shkaqet e konfliktit mes palëve, që detyruan shqiptarin në gjaknxehtësi e sipër të shkatërronte me eskavatorin në pronësi të tij, mjetet dhe shtëpinë e komshiut.

Në vendngjarje shkuan forcat e policisë dhe zjarrfikësit. Banesa e fqinjit, e dëmtuar me eskavator, është konsideruar e pabanueshme dhe familjarët janë larguar nga shtëpia.

Ndërkohë vijojnë hetimet për të zbardhur plotësisht shkaqet dhe rrethanat e ngjarjes.

Artikuj të ngjashëm

Leave a Reply

Your email address will not be published.

Back to top button
Close