fbpx
Lajme

E shpallur në kërkim kapet 21-vjeçarja. Në pranga dhe 5 persona të tjerë

Pas shumë kohësh në kërkim, Policia në Kavajë ka arrestuar një shtetase e cila akuzohet për veprën penale “Prostitucion”. Ndërkohë në kuadër të parandalimit dhe evidentimit të paligjshmërisë, blutë në Tiranë kanë prangosur edhe 5 shtetas të tjerë. Gjatë një kontrollit fizik njërit prej të ndaluarëve i wshtw konstatuar një sasi lënde narkotike. Në rrugën “Ismail Qemali” është arrestuar një tjetër shtetas që dyshohet se ka vjedhur një automjet tip furgon. Për shkelje të rregullave të qarkullimit rrugor, Policia ka arrestuar edhe dy persona të tjerë. Gjithashtu në prangat e policisë ka rënë edhe shtetasi me iniciale Q. M. pasi ka prishur rendin dhe qetësinë publike si dhe ka kundërshtuar punonjësin e Policisë. Të prangosurit janë shtetasit me iniciale I. S., 31 vjeç, F. B., 36 vjeç, Q. M., 22 vjeç, P., 44 vjeç, B., 34 vjeç, C. Z., 21 vjeçe.

Njoftimi i policisë: Nga Seksioni për Hetimin e Narkotikëve u bë arrestimi në flagrancë i shtetasit I. S., 31 vjeç, sepse në rrugën “Mine Peza”, gjatë kontrollit fizik iu gjet dhe u sekuestrua në cilësinë e provës materiale një sasi lënde e dyshuar kokainë.

Specialistët për Hetimin e Krimit në Komisariatin e Policisë Nr. 1 bënë arrestimin në flagrancë të shtetasit F. B., 36 vjeç, pasi në rrugën “Ismail Qemali”, dyshohet se ka vjedhur një automjetin tip furgon dhe më pas është kapur në tentativë për t’u larguar në drejtim të Saukut. Gjithashtu, nga veprimet e kryera ka rezultuar se ky shtetas nuk kishte leje drejtimi.

Nga specialistët për Hetimin e Krimit në Komisariatin e Policisë Nr. 3 u bë arrestimi në flagrancë i shtetasit Q. M., 22 vjeç, pasi në afërsi të në një shkolle te Instituti Bujqësor, për motive të dobëta, ka prishur rendin dhe qetësinë publike, si dhe ka kundërshtuar duke i goditur me sende të forta punonjësit e Policisë, për të shmangur shoqërimin e tij. Specialistët të Qarkullimit Rrugor bënë arrestimin në flagrancë të shtetasve:

P., 44 vjeç, pasi në rrugën “Tre Dëshmorët”, në afërsi të një lokali, duke drejtuar mjetin në gjendje të dehur 0.99 mg/l, ka aksidentuar dhe është larguar nga vendngjarja, këmbësorin shtetasin D. F., 44 vjeç, i cili pas marrjes të mjekimit në spital, është larguar për në banesë.

B., 34 vjeç, pasi tek rrethrrotullimi i Saukut, u kap duke drejtuar mjetin në gjendje të dehur, në masën 1.41 mg/l.

Në vijim të punës për kapjen e personave të shpallur në kërkim, shërbimet e Komisariatit të Policisë Kavajë kanë bërë kapjen dhe ndalimin e shtetases C. Z., 21 vjeçe, sepse Gjykata e Rrethit Gjyqësor Kavajë i ka caktuar masën e sigurisë “Arrest në burg”, për veprën penale “Prostitucioni”. Ndërkohë materialet i kaluan Prokurorisë së Rrethit Gjyqësor Tiranë.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button