ITALI- Një aksident në linjën Verona-Padova i ka marrë jetën një të riu shqiptar.

I riu shqiptar, i lindur në vitin 1998, kur kalonte shinat, është përplasur nga një tren në linjën hekurudhore Verona-Padova pranë Caldiero. Vdekja është konstatuar nga mjeku i dërguar në vendin e ngjarjes.

Primodituttoverona raporton se viktima është një i ri shqiptar 24-vjeçar, i cili mesa duket është përplasur nga treni teksa tentonte të kalonte shinat.

Trafiku hekurudhor është pezulluar në Caldiero për të lejuar autoritetet kompetente të konstatojnë faktet. Nuk dihet ende nëse ka qenë një aksident apo, një akt vetëvrasje e të riut. Për rastin kanë nisur hetimet.