Edhe fauna ka Ditën e saj Botërore. E shtuar në kalendarin e ditëve botërore për ndërgjegjësimin për të drejtat dhe mirëqenien e kafshëve, kjo ditë (4 tetor) është një mundësi për të kujtuar rëndësinë e mirëqenies së kafshëve shtëpiake, të cilat gjenden në 40% të familjeve europiane, kryesisht qen ose mace.
Tani është vërtetuar që shoqëria me kafshët shtëpiake gjeneron përfitime fizike dhe psikologjike për familjen në të cilën ata bëjnë pjesë, ndihmon fëmijët në rritje, të moshuarit në lëvizje dhe humor. Është detyra e familjes të respektojë karakteristikat etologjike dhe fiziologjike të kafshës shtëpiake dhe të marrë përgjegjësi për to, duke u kujdesur për mirëqenien, shëndetin, ndërveprimet shoqërore me kafshët e tjera, njerëzit e tjerë dhe me mjedisin.
Sigurimi i profilaksisë së duhur dhe kujdesit shëndetësor për të gjithë jetën e kafshës së përkëdhelur me mbështetjen e një veterineri është një detyrë thelbësore. Shëndeti i mirë dhe jeta e gjatë e kafshëve shtëpiake, në të vërtetë, kryesisht varen nga ushqyerja dhe kujdesi mjekësor.
Në Gjermani, duke marrë parasysh rolin e kafshëve shtëpiake në shoqëri, norma e TVSH-së për ushqimin e qenve dhe maceve është 7%, ndërsa familjet italiane mbajnë TVSH të barabartë me më shumë se trefishin e asaj gjermane.
Një barrë e rëndësishme tatimore që bie direkt mbi familjet italiane, e papajtueshme me varfërimin pas emergjencës. Për këtë arsye, shoqatat më të rëndësishme në sektor kanë kërkuar nga qeveria dhe parlamenti të vendosë ulje të TVSH-së. /os/atsh