Lajme

Ekspertët shqiptaro-amerikanë nga Nju-Jorku, 8 ditë në Shqipëri për të përcaktuar dëmet

/ATSH/ Një grup ekspertësh shqiptaro-amerikanë nga Nju-Jorku i përbërë nga katër inxhinierë dhe dy arkitektë kanë mbërritur sot në Shqipëri për të dhënë kontributin e tyre në vlerësimin e shkollave, çerdheve e kopshte në zonat problematike pas tërmetit.

Ekspertët Ilir Dukaj, Malvin Ndoci, Delin Bixha, Ediant Martinaj, Kreshnik Zalli dhe Sokol Huta të cilët janë të angazhuar në institucione të ndryshme amerikane, do të qëndrojnë rreth tetë ditë në Shqipëri. Ardhja dhe ekspertiza e tyre këtu u realizua me mbështetjen e këshilltarit bashkiak të Nju-Jorkut dhe anëtarin e KKD-së, Mark Gjonaj. Edhe ministri i Shteti për Diasporën, Pandeli Majko ka shprehur falënderimet e tij për ekspertët që kanë mbërritur nga SHBA.

“Mbërritën sot! Këta djem shqiptaro-amerikanë që nga aeroporti, pa pushuar, u nisën drejt godinave të prishura nga tërmeti… Një histori që përsëritet në kohë! E ditura e ditur që ke dëshirë ta ndjesh! Thirrja e gjakut në ditë të vështirë nga ata që janë ne! Faleminderit Mark!”, është shprehur ministri Majko.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button