Një postim i Elvis Naçit ditën e djeshme, shkaktoi mjaft habi në rrjetet sociale, sepse hoxha që predikon dhe kërkon para për të varfërit, po promovonte biznesit e tij privat, duke u kërkuar qytetarëve të bënin lutje, për suksesin e biznesit të tij, sepse po të kishte sukses, do të dhurojë një shtëpi për të varfërit, kategori kjo për të cilën Naçi punon ditë e natë pa pushim.
Bëhet fjalë për një dyqan syzesh luksoze, të firmave më të shtrenjta në botë, si D&G, Gucci, Dior, etj, të cilat Naçi do t’i shesë në dyqanin me emrin “Optika Elitare Milano” në Tiranë. Lajmi që bëri xhiron e portaleve, e ka bërë imamin të ndihet mirë edhe pse shumë prej reagimeve në fakt kanë qenë jo edhe aq pozitive, ku njerëzit shprehnin habinë se si hoxha që predikon islamin, u bë edhe biznesmen, që shet syze luksoze.
Naçi shprehet se ndihet i lumtur, për pëlqimet që ka marrë për dyqanin, madje me ironi thotë se mund të kishte themeluar edhe një parti politike. “Me 57 mije pelqime, me 760 mije shikime dhe 4 mije komente me mire te kisha hapur parti politike se dyqan syzesh, pak shaka per ta nisur diten me buzeqeshje! Zoti ju begatofte. Amin”, shkruan ai. Ja kërkesa e Elvis Naçit, që populli të lutet për shitjen e syzeve: “Beni lutje vellezer dhe motra qe dyqani optikes, Optika Elitare Milano, qe kam hapur te na shkoje mbare, nese ecen mire kam deshire te dhuroje nje shtepi per nje Familje te varfer inshaAllah. Zoti ju begatofte. Amin”, shkruan Elvis Naçi. /TPZ.al/