Dita e parë e javës do të nisë me mot të mirë. Sipas MeteoAlb, gjatë pjesës së parë të ditës së hënë do të mbizotërojnë kthjellimet dhe vranësirat e lehta. Por orët e mesditës dhe pasditja shtojnë vranësirat, kryesisht në zonat veriore, duke bërë që në këto zona të kemi dhe reshje.
Temperaturat e ajrit do të rriten në mëngjes dhe në mesditë duke luhatur vlerat minimale dhe maksimale nga -4°C në 15°C. Era do fryjë e lehte ne toke dhe mesatare ne det me shpejtësi 45-55 km/h nga drejtimi jugor duke krijuar në det dallgëzimi mbi 4 balle.
