Lajme

Escobar përfundon me takimet në Tiranë, reagon ambasada e SHBA: Gjatë bisedave me Ramën dhe Bashën, fokusi kryesor ishte tek korrupsioni

Ambasada e SHBA në Tiranë ka reaguar sa i takon pranisë së të dërguarit special, Gabriel Escobar në Shqipëri ku ky i fundit u takua me zyrtarët më të lartë të vendit mes tyre kryetarin e PD, Lulzim Bashën, ministren e Jashtme Olta Xhaçka dhe së fundmi kryeministrin Edi Rama.

Tema kryesore e të gjitha takimeve ishte lufta kunder korrupsioni dhe gjithashtu angazhimi i SHBA-ve për të treguar se e kishin seriozisht në ndërmarrjen e një aksioni të tillë që shumë shpejt pritet të shpallë non-grata dhjetëra politikanë dhe biznesmenë në rajonin e Ballkanit.

Njoftimi i Plotë nga ambasada Amerikane në Tiranë:

Zëvendës Ndihmës Sekretari i Shtetit i SHBA për Çështjet Europiane dhe Euroaziatike dhe i Dërguari i Posaçëm për Ballkanin Perëndimor Gabriel Escobar vizitoi më 9 dhjetor Shqipërinë, ku u takua me kryeministrin Edi Rama, Ministren e Jashtme Olta Xhaçka, kryetarin e Partisë Demokratike Lulzim Basha dhe udhëheqës të tjerë. Gjatë takimeve të tij, Zëvendës Ndihmës Sekretari Escobar falënderoi Shqipërinë për partneritetin e saj të fortë me Shtetet e Bashkuara dhe rikonfirmoi mbështetjen e fortë të SHBA për anëtarësimin e Shqipërisë në BE.

Ai vuri në dukje fokusin e Shteteve të Bashkuara në luftën kundër korrupsionit, pandëshkueshmërinë dhe përpjekjeve për të minuar demokracinë në Ballkanin Perëndimor. Escobar mirëpriti forcimin e mëtejshëm të marrëdhënieve SHBA-Shqipëri, bashkëpunimin tonë në fushën e mbrojtjes si aleatë të NATO-s dhe krijimin e më shumë mundësive për tregti dhe investime.

Escobar mirëpriti gjithashtu punën e përbashkët midis Shteteve të Bashkuara dhe Shqipërisë për integrimin rajonal dhe global – veçanërisht kur të dyja vendet do të shërbejmë në Këshillin e Sigurimit të Kombeve të Bashkuara në 2022.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: