Një 38-vjeçar ka grabitur lekët e xhiros ditore në një pikë karburanti në Fier, ku ishte punësuar.
I riu me iniciale H. K., kishte shkuar në punë, por është larguar duke marrë lekët e fituara gjatë turnit në punë.
Ai është shpallur në kërkim dhe po punohet për kapjen e tij.
“U referuan materialet në Prokurori dhe u shpall në kërkim shtetasi H. K., 38 vjeç, banues në Fier, pasi, duke qenë i punësuar në pikën e karburantit në administrim të shtetasit A. P., ka marrë lekët e xhiros ditore dhe është larguar. Po punohet për kapjen e 38-vjeçarit”, njoftojnë blutë e Fierit.
Ndërkohë janë regjistuar edhe dy ngjarje të tjera. Dy vëllezër F. B., 25 vjeç dhe D. B., 21 vjeç, banues në Patos janë arrestuar nën akuzën “dhunë në familje” pasi për motive të dobëta, kanë goditur njëri-tjetrin, me sende të forta.
Ndërsa një 63-vjeçar, shtetasi A. F., banues në Tiranë është vënë në pranga pasi drejtonte mjetin në gjendje të dehur.
Specialistët për Hetimin e Krimeve në Komisariatin e Policisë Fier arrestuan në flagrancë, për veprën penale “Dhuna në familje”, shtetasit F. B., 25 vjeç dhe D. B., 21 vjeç, banues në Patos (vëllezër), pasi për motive të dobëta, kanë goditur njëri-tjetrin, me sende të forta.
Po nga këto struktura u referuan materialet në Prokurori dhe u shpall në kërkim shtetasi H. K., 38 vjeç, banues në Fier, pasi, duke qenë i punësuar në pikën e karburantit në administrim të shtetasit A. P., ka marrë lekët e xhiros ditore dhe është larguar. Po punohet për kapjen e 38-vjeçarit.
Specialistët e Sektorit të Qarkullimit Rrugor në DVP Fier arrestuan në flagrancë shtetasin A. F., 63 vjeç, banues në Tiranë, pasi drejtonte në gjendje të dehur, automjetin. Materialet i kaluan Prokurorisë, për veprime të mëtejshme procedurale.