Në Bashkinë e Kavajës pati një përmbysje të rezultatit.
Fillimisht Kavaja po udhëhiqej nga socialisti Redian Krali, por me numërin e votave Bashkë Fitojmë kryesi këtë bashki.
Ndonëse janë edhe 32 Qendra Votimi për t’u numëruar, ‘Bashkë Fitojmë’ ka shpallur fitoren.
Në rrugët e Kavajës, kandidati Finsik Qosja ka nisur festën me qytetarët, me një aftmosferë festive me këngë dhe valle.
Sakaq, Krali ka dhënë dorën Ervin Salianjit, ndërsa është përshëndetur edhe me simpatizantë të tij që qëndronin afër ambienteve ku po numërohen votat.
Në një deklaratë për mediat ai u shpreh entuziast për fitoren, duke theksuar se edhe pse një betejë e vështirë ia doli pasi kishte në krah mbështetjen qytetare.
Ai tha se kundër kishte makinerinë e pushtetit, por ia doli mbanë falë mbështetjes qytetare.
“Ishte fitore e mundimshme, por qytetarët ma bënë më të lehtë se kurrë. Unë kundër nuk kisha asnjë, kisha pranë qytetarët e Kavajës. Unë kisha kundër vetëm një gjë, makinerinë e pushtetit. Por qytetarët e Kavajës nuk i bën balla as makineria e pushtetit dhe as e njeriut për të drejtuar Kavajën aty ku duan ata”, tha Qosja duke theksuar se “do punoj ditën e natë. Do jem në shërbim të tyre 24 orë”.
I pyetur nëse do të punojë për bashkimin e PD, ai tha “po, pasi PD-në e kam si shtëpinë time”.
Ai deklaroi më tej se për të mirën e qytetarëve do t’i shtrijë dorën edhe qeverisë.
“Për të mirën e qytetarëve të Kavajës do t’i shtrij dorën çdo njeriu, çdo institucioni gjithashtu edhe qeverisë”, tha Qosja.
