fbpx
Lajme

Fitorja e Joe Biden dhe Kamala Harris në SHBA, mesazhi i Monika Kryemadhit…

Nëpërmjet një postimi në rrjetet sociale Kryetarja e Lëvizjes Socialiste për Integrim, Monika Kryemadhi i ka dërguar urimet për fitoren presidentit amerikan Joe Biden dhe zv/presidentes Kamala Harris. Në postimin e saj, Kryemadhi thekson se SHBA-të janë aleati dhe partneri strategjik i Shqipërisë, ku thekson se janë të gatshëm të punojnë me Administratën e re për të realizuar synimet e përbashkëta të dy vendeve. Urimi në “Facebook” i kryetares së LSI-së Monika Kryemadhi për presidentin amerikan Joe Biden dhe zv/presidenten Kamala Harris:

Në emër të LSI kam kënaqësinë të uroj Presidentin e Zgjedhur të SHBA zotin Joe Biden për fitoren e tij dhe Zëvendës Presidenten e Zgjedhur, zonjën Kamala Harris për zgjedhjen e saj, si një arritje historike për gratë në Amerikë dhe një shembull i shkëlqyer për gratë nëpër botë.

LSI qëndron dhe mbështet një mjedis kombëtar dhe rajonal që qeveriset nga shteti i së drejtës, zgjedhjet e lira dhe të ndershme, nga pavarësia dhe profesionalizmi i sistemit të drejtësisë, një ekonomi e tregut të lirë dhe nga një sistem arsimor solid. Shtetet e Bashkuara të Amerikës janë aleati dhe partneri strategjik i Shqipërisë dhe unë pres të punojmë së bashku me Administratën e re për të afruar vendet tona e për realizimin e synimeve të përbashkëta.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button